२०२६ सालातील ‘अहिल्यानगर महाकरंडक’ रसिक प्रेक्षक आणि कलाकारांसाठी एक आध्यात्मिक आणि कलात्मक सोहळा ठरला. ज्या निष्ठेने वारकरी पंढरीची वारी करतात, अगदी त्याच भक्तीभावाने आणि ऊर्जेने महाराष्ट्रभरातील हजारो रंगकर्मी आपल्या कलेची सेवा अर्पण करण्यासाठी अहिल्यानगरच्या रंगभूमीवर एकत्र आले.

वारीतील शिस्त, भक्ती आणि सामूहिक आनंदाचा अनुभव नाट्यक्षेत्रात उतरवण्याचा आम्ही प्रयत्न केला. विठूरायाच्या वारीप्रमाणेच, रंगमंचावर सादरीकरण करणारा प्रत्येक कलाकार हा ‘विठ्ठल’ आणि त्याला दाद देणारा रसिक हा ‘वारकरी’ अशा भावनेतून महाकरंडकच्या या १३व्या पर्वाचे आयोजन करण्यात आले होते.