महाराष्ट्राच्या नाट्यसृष्टीत मानाचा तुरा खोवणारी स्पर्धा म्हणजे ‘अहिल्यानगर महाकरंडक’. २०१३ साली रोवलेल्या एका इवल्याशा बीजाचा आज विशाल वटवृक्ष झाला आहे. गेल्या १२ वर्षांपासून ‘सातत्य’ आणि ‘गुणवत्ता’ या दोन शब्दांना प्रमाण मानून महाकरंडकने हा आलेख सतत उंचावत ठेवला आहे. अहिल्यानगर महाकरंडक ही अनेक कलाकारांच्या कारकीर्दीची पहिली पायरी ठरली आहे. इथून झेप घेतलेले अनेक हिरे आज मराठी नाटक, चित्रपट आणि मालिकांच्या चंदेरी दुनियेत स्वतःचा ठसा उमटवत आहेत. ८ केंद्र, शेकडो दर्जेदार एकांकिका, हजारो प्रयोगशील कलाकार आणि तितकेच निष्णात तंत्रज्ञ दरवर्षी येथे आपली कला सादर करतात.