अहिल्यानगर महाकरंडक
२०२६

महाराष्ट्राच्या नाट्यसृष्टीत मानाचा तुरा खोवणारी स्पर्धा म्हणजे ‘अहिल्यानगर महाकरंडक’. हे केवळ स्पर्धेचे मैदान नाही, तर ही आहे ‘रंगभूमीची रणभूमी’, जिथे कलेचा कस लागतो आणि प्रतिभेचा सन्मान होतो!

२०१३ साली रोवलेल्या एका इवल्याशा बीजाचा आज विशाल वटवृक्ष झाला आहे. कोणत्याही उपक्रमाचा प्रारंभ करणे सोपे असते, पण तोच उत्साह आणि दर्जा टिकवून ठेवणे ही खरी कसोटी असते. गेल्या १२ वर्षांपासून ‘सातत्य’ आणि ‘गुणवत्ता’ या दोन शब्दांना प्रमाण मानून महाकरंडकने हा आलेख सतत उंचावत ठेवला आहे. म्हणूनच आज अहिल्यानगर महाकरंडकाची कीर्ती केवळ महाराष्ट्रापुरती मर्यादित न राहता, सातासमुद्रापार पोहोचली आहे.

अहिल्यानगर महाकरंडक ही अनेक कलाकारांच्या कारकीर्दीची पहिली पायरी ठरली आहे. इथून झेप घेतलेले अनेक हिरे आज मराठी नाटक, चित्रपट आणि मालिकांच्या चंदेरी दुनियेत स्वतःचा ठसा उमटवत आहेत.

८ केंद्र, शेकडो दर्जेदार एकांकिका, हजारो प्रयोगशील कलाकार आणि तितकेच निष्णात तंत्रज्ञ दरवर्षी येथे आपली कला सादर करतात. दरवर्षी एक नवी संकल्पना येथे असते! मग ती ९व्या वर्षातील ‘नवरसांची उधळण’ असो, १०व्या वर्षातील ‘कार्निव्हल’, ११व्या पर्वातील ‘लोककलांची जत्रा’ किंवा १२व्या पर्वातील दैदीप्यमान ‘शिवराज्याभिषेक सोहळा’. दरवर्षी इथे एक नवं विश्व उभं राहतं.

आता वेध लागले आहेत ‘अहिल्यानगर महाकरंडक २०२६’ चे!
तीच परंपरा, तोच उत्साह आणि तोच दिमाख घेऊन आम्ही पुन्हा येत आहोत. चला तर मग तयार व्हा, रंगकर्मींच्या या ‘नाट्यपंढरी’त पुन्हा एकदा कलाविष्कार पाहण्यासाठी!